鄧穎芝前日情人節跟圈外男友撐枱腳，慶祝前卻遇上交通意外，她獨自揸車路經銅鑼灣東區走廊時，被撞車尾，她在社交網上載撞車相：「屁股在東區走廊被親了一下……」當時正值放工時間，略為塞車，她說：「啲車唔係好高速，因為前面嗰架急停，我又急停，後面架車就撞咗埋嚟。」幸好她沒有受傷，也未有報警，她說：「嗰個人好爽快就話賠錢，我抄低身份證就走咗，不過我呢款車整車好貴，仲等緊報價。」
她透露農曆新年前去南非旅遊，策騎時不慎墮地，返港又撞車：「我已經去還太歲，又去咗黃大仙拜神，希望今年順順利利。」