澳洲睇景變睇女推家輝落水 9歲Jemma一Take過冇手軟

在英皇電影《廉政風雲 煙幕》中演張家輝女兒的九歲小童星Jemma，乃澳洲土生土長華人，廣東話不太流利，但無阻她與影帝張家輝的「處女」演出。

戲癮大發唔識驚

Jemma今次過足戲癮，其父Anthony受訪時說：「今次女兒參演《廉》片係機緣巧合，導演本來嚟我澳洲嗰間屋睇景，點知屋就唔啱用，反而搵咗我個女演出，可算誤中副車。佢冇演戲經驗，亦唔識家輝，雖然家輝冇親自教我個女做戲，但現場都有另一個姐姐指導佢點做。（推家輝落水係一Take過？）係一Take過，過程好順利，所以拍完女兒都覺得好好玩。（會繼續演出？）女兒都想，但有機會先，當然要努力讀好書先啦！」

吳浩康愈奸愈好

而在片中演幕後大佬的吳浩康（Deep），戲份不多但角色重要，連家輝都要聽命於他，其中一幕Deep要迫使家輝的合夥人跳機，他坦言該幕印象深刻，因為既要演戲，又要克服心理關口：「我本身畏高，拍嘅時候要扮唔驚，但其實驚到腳軟，第一次喺直升機拍戲，呢場戲拍咗八個鐘，導演好有心機。」

Jemma初生之犢面對住影帝亦毫不怯場，一手將家輝推落水。	張家輝	甚有演戲天分的Jemma是澳洲華僑，家境富裕。

問Deep會否想其角色在續集中改邪歸正？他笑言不想：「愈壞愈好，喺戲入面我都係剛開始，仲未做咩壞事。」他今次未有機會與家輝及青雲演對手戲，坦言若要二選一的話，希望能與家輝在續集中合作：「我之前同家輝喺其他電影合作過，以前好緊張，依家經驗多咗，再合作應該會發揮得好啲，但青雲就完全未合作過，要重新適應。」

吳浩康克服畏高恐懼，在直升機上拍攝。

吳浩康日前為新片謝票，甚受戲迷歡迎。