藝人林敏驄、吳嘉龍、莊端兒昨日出席電影《如珠如寶》派大包謝票活動，賀票房過千萬，身為導演的阿驄被問到是否滿意票房？他笑說：「都唔係咁難啫，意料中事，分分鐘到五、六千萬，口碑一路返緊嚟。（點樣回饋演員？）如果有二千萬票房，就請大家去環遊世界，度得期嚟都十年、八年後啦！」而吳嘉龍指爸爸吳耀漢因腎衰竭每日要「洗肚」（腹膜透析）保命，不過父親仍有揸跑車出街。
