照鏡覺得好靚仔?古天樂:咁要食藥

藝人古天樂、林家棟及Angelababy等前晚出席「香港專業電影攝影師學會周年晚宴」,問到古仔自覺甚麼時候最有魅力,他說:「應該係喺屋企,冇人見到我,我講咩都得。(有冇試過照鏡覺得自己好靚仔?)如果係咁,可能係有精神病要食藥,我講我自己!(平時鍾唔鍾意照鏡?)屋企少鏡,因為已經成日睇Playback見到自己。(心目中邊個演員最有魅力?)應該係黑武士,不過都睇唔到樣。」

而Baby表示很榮幸獲最具魅力女演員獎,自言生小朋友後愛上拍片,經常機不離手。而家棟則透露將被「發配塞外」到雲南拍戲,之後更會洽談新劇本,有機會演馬來西亞跨性別人士。