張曦雯感情空白「獨」到想喊

因打機打到爆粗被網民封為「爆粗女神」的張曦雯（Kelly），昨日與「男神」何廣沛出席賀年活動。Kelly透露父母今年由美國回港度歲，並指父親自18年前移民後，第一次在港過年：「帶咗爹哋媽咪去打邊爐同食煲仔飯，因為美國嗰邊好少食到。（有冇親自下廚？）有煎吓糕囉。」

去年Kelly被傳有富貴男友，問到可有帶男朋友見家長？她說：「都冇男朋友，一講就想喊。（屋企人有冇催你拍拖？）咁佢哋又冇喎，拜年最驚啲親友問你幾時派利是，好彩爹哋媽咪都冇催。（對你好放心？）應該係。」現場唱歌助興的她又稱，正跟歌手鄧小巧學唱歌：「大家聽吓我有冇潛質。」

至於何廣沛透露稍後到夏威夷拍攝無綫節目《3日2夜》，現正努力操肌：「陽光海灘喎，一定要騷肌啦。」並笑言正為泳褲款式煩惱，記者即提議他穿白色三角泳褲。問到可有問緋聞女友朱晨麗意見？他避答：「要問就問郭子豪啦，呢方面佢有經驗啲。」又指朱晨麗不在香港，故未有到她家中拜年。