《廉政風雲 煙幕》票房破2千萬 家輝夾時間慶功！

英皇賀歲片《廉政風雲 煙幕》上映以來氣勢如虹，昨日第6天累積票房已超過2千萬，令台前幕後高興不已，正在海外旅行的張家輝聞得喜訊即叫好：「聽到呢個消息好開心，希望導演、老闆快啲請食飯！（趕返嚟慶功？）盡量抽時間，要睇個期夾唔夾到。（續集有冇興趣？）梗係有興趣，好想台前幕後再嚟多一次鬥吓戲，希望票房愈嚟愈好！」劉青雲亦說：「票房好，當然係開心事！」林嘉欣也說：「我哋嘅願望成真，破2千萬，恭喜導演、楊老闆，佢哋講過破呢個數好似要做少少嘢回饋觀眾，係咩呢？莫非係一齊過情人節？」導演麥兆輝則說：「真係多謝大家，所有工作人員努力嘅成果，唔係我一個人功勞，希望有個好嘅紀錄。」

湯怡搞笑調戲何遠東。

何遠東和湯怡走入戲院，甚受觀眾歡迎。

湯怡謝票恨拍續集

有份演出的湯怡和何遠東昨日現身戲院謝票，期間與觀眾互動及大合照。對於票房凌厲，東東即自封「2千萬東」，湯怡笑指同片的陳家樂也想現身，奈何已飛廈門為新片開工，東東還爆家樂在社交網留言想念他，惟對方回來也不找他：「我都掛住佢，但佢返嚟唔搵我哋，冇計，佢依家一年搵10年錢，喺內地拍緊大製作，好想第時帶埋我哋上去。」

談到其角色突出，東東說：「我角色名太易記，青雲哥又喺入面創作咗幾個名畀我，搞到個名不停出現。有一幕我印象好深，係佢衝埋嚟我度，我下意識覺得佢好似野獸，即刻撳住個乳頭。（驚佢非禮你？）好驚，身體咁重要。」湯怡則希望拍續集：「希望有續集，到時唔想再坐辦公室，希望一齊出去作戰。」

林嘉欣簽名冧仔

此外，嘉欣昨日在網上分享與工作人員的短片，工作人員手拿杯蓋，表示蓋上有嘉欣的簽名，他興奮說：「諗住沖杯欲罷不能嘅咖啡，但正常嘅咖啡點都欲罷不能唔到，但女神簽咗名就欲罷不能。」令伊人笑不攏嘴。