陳曉東百厭摧「花」藤條炆豬肉
陳曉東將於3月在紅館舉行首個演唱會，過年期間不能大吃大喝。他笑言會跟足媽媽買桃花的習俗：「我哋呢行桃花好緊要，最緊要唔係爛桃花。」又自爆小時候的百厭事，身為武打迷的他最愛跟細佬在桃花樹下比劍：「打完桃花再打盆桔，阿媽一起身就藤條炆豬肉，打到我哋兩個飛起，最搞笑有年佢警告我哋唔好再篤佢啲桔，我哋就夾定不如今次『發』啲葉落嚟，阿媽見到都忍唔住笑。」
東東稱童年時(豆)很多大利是，因為鄰居均是大明星：「我樓下係拉姑（狄波拉），媽咪同佢哋成日打麻雀，樓上係阿Sam（許冠傑），隔籬係琳琳姐（李琳琳）、姜大偉、燦哥（廖偉雄），封封都係大利是。」另外，昨日他與太太出埠旅遊，開騷前放鬆一下。
場地：Joe's Billiards & Bar