佘詩曼四圍撲借6位數抽獎

阿佘密密吸金冇停手，預了六位數派利是。

藝人佘詩曼、歌手菊梓喬及堪輿學家李丞責，昨日在沙田馬場出席「農曆新年賽馬日」，而陳芷尤則穿貼身火紅上衣入場，上圍Big爆。阿佘在沙圈跟馬迷玩遊戲，炒熱氣氛。

去年憑內地劇《延禧攻略》爆紅、至少帶挈賺半億的她，早前於橫店與內地男星黃曉明拍攝新劇《鬢邊不是海棠紅》，自爆與劇組食團年飯時，因突然舉行抽獎環節，她被迫問人借錢作為獎金：「當晚有成600幾人，第一次咁多人食團年飯，點知突然話要搞抽獎，我去晒橫店所有櫃員機都冇錢，最後問劇組人員借，都借咗6位數。」今日返當地拍劇的她，趁留港期間與家人食飯，並預留6位數派利是。

菊梓喬認野心大

以銀色閃爆造型亮相的菊梓喬，早前被本報拍得駕駛新車及到美容院做貴價Facial， 她解釋：「其實架車係Sponsor，要還嘅，Facial都係Sponsor，多謝大家咁關心我。（財政情況好咗？）可以接受嘅，希望新一年會好啲。」自言野心變大的她希望開音樂會，問到會否以紅館作目標？她說：「我想熱身先，紅館個場太大，搵個啱自己嘅場先。（老闆有意幫你開騷？）佢話睇我嘅健康，因為我之前病咗，兩、三個月都未好，依家都未好晒。」

菊梓喬大唱首本名曲，炒熱氣氛。	陳芷尤密實打扮，但難掩Big爆身材。	李丞責與阿佘向大家拜年。

至於早前表示有意添丁的李丞責，希望老婆生鼠或牛BB：「屬牛比較踏實，我就比較天馬行空，所以屬牛同我好夾。」