方中信被玩殘冇對白變幾頁紙
同是影帝級的方中信亦有參演《廉政風雲 煙幕》，飾演廉政公署高層的他，乃青雲及林嘉欣的直屬上司，主要戲份是派遣二人調查一單貪污案，雖然戲份並不算多，但方中信笑指也拍得難忘：「第一日拍幾個鐘就收工，因為都冇對白，到第二、三日就有好多好長嘅對白要講，仲涉及好多人名，好在拍出嚟嘅效果又幾好，大家反應都OK！」談到該片一開畫已掀起撲飛潮，不少場次更出現全場爆滿情況，身在日本度歲的方中信表現興奮：「聽到呢個消息梗係開心，希望之後愈來愈好啦！」
對於方中信的拍攝情況，導演麥兆輝解釋：「我同方中信合作過好多次o架啦，佢好明白拍攝情況，因為第一日拍街景，冇對白係好合理o架，第二、三日拍廉署，嚴肅場面，戲份多人物多自然對白多，大家對佢講嘅嘢唔好認真啦，佢講笑o架咋！」
