《廉政風雲 煙幕》勁爆！賀歲檔預售No.1掀撲飛熱
英皇賀歲電影《廉政風雲 煙幕》今日正式上映，香港預售情況反應踴躍，年初一全線爆滿，是賀歲檔中排行第一位，掀起全城撲飛熱！初二、初三預售亦已近九成爆滿，可謂一票難求。由於新年期間預售情況取得空前成功，英皇正研究增加院線及場次，務求讓更多觀眾可入場欣賞。
真材實料 效果逼真
《廉》片戲勢凌厲，其中一場重頭爆炸戲，更是焦點所在！講述影帝劉青雲追尋重要證人期間，發現其妻兒藏身之所，率領部下掩至時卻發生大爆炸，威力相當強勁！為求效果，一班演員要走到極之接近爆炸位置，看起來相當驚險，麥兆輝說：「呢場戲之前要好多安排，因為係搭景拍，先要開好多會，同爆炸組、動作指導設計晒啲動作，連門口角度都要好清楚，因為用真火爆，演員行到好近會受傷，始終係以安全行先。如果你做到好足，拍嗰個鏡頭只需3個鐘，但事前係要花30個鐘去籌備，用呢個時間，出來效果會好，拍嗰時好順利，因為你已經試過一次。」青雲亦盛讚導演安排十分妥當：「呢齣戲嘅拍攝時間好準確，麥導演嘅Schedule亦都好清晰，指引非常有紀律，大家甚少會坐喺現場發呆。」
