薛家燕上郵輪問阿倫借網𢭃利是
藝人薛家燕與安德尊日前為大棧海味店拍賀年廣告，與客戶合作超過十年的家燕表示，廣告費年年有加，海味又無限量供應，印象最深是去年兒子結婚：「本來過大禮都訂咗鮑魚、海參、魚翅、燕窩等，點知老闆打嚟叫我唔使畀錢，我話唔係我結婚喎！佢話因為我個仔娶老婆而送畀我，我開心到不得了，慳咗成七位數字，真係好多謝佢。」雖然老闆待她不薄，但她笑言酬勞加幅不及安德尊。
農曆新年她將上郵輪表演，屆時只得細女同行，問到會否帶個篋去𢭃利是？她說：「我係去派利是，預計成個新年派8萬蚊。（問譚詠麟借個魚網去𢭃利是？）等我打畀校長問佢應該帶咩網去先得。」
