馮盈盈唔熟性未嫁得

馮盈盈（右）、張寶兒行「未來奶奶政策」，春節乖乖去拜年。

「是非精」梁嘉琪、麥美恩、馮盈盈、劉穎鏇、張寶兒、鄺潔楹、何依婷昨日為節目《學是學非》錄影最後一集，節目將暫別數月。盈盈與寶兒被問到農曆新年會否拜候「未來奶奶」，盈盈笑說：「年初一、二、三都放假，所以冇藉口唔去，都準備咗禮物，Auntie佢好Nice、好好人，好錫我，我喺佢面前好斯文(口架)，佢唔會嫌我嘈。」寶兒笑指男士傾向找似自己媽媽的女朋友，馮盈盈即大賣口乖笑說：「係呀，Auntie真係好靚女，好省鏡。」

仲係小甜心

盈盈與寶兒均沒有被催婚，寶兒指與男友袁偉豪的媽媽經常食飯見面，故拜年也很隨意。盈盈則笑說：「我啲親戚可能覺得我事業上未有成就，要有多啲經濟基礎，心智上亦要準備得成熟啲，喺佢哋眼中我仲係小甜心、小女孩，唔捨得我咁快嫁，等我變做成熟女人再打算。」之前她上載《極道怪咖》被綑綁的劇照引起網民幻想，她笑說：「都係劇情需要，綁咗成晚。（同男友試吓？）有時我好任性激嬲佢，佢講笑話信唔信綁起我。」

鄺潔楹對節目暫告一段落，感到依依不捨。

七個「是非精」錄影最後一集節目。