緋聞男友陪養傷麥明詩冧滋滋

前港姐麥明詩（Louisa）為慈善踩單車到柬埔寨，但於廣西站時不慎炒車，大腿拉傷要養傷七日，今日才正式「復出」。她在社交網上載踩單車片段，透露傷患已有好轉，而緋聞男友兼教練胡健燊亦有陪伴在側，相信康復速度會加快！

對於緋聞男友專程北上探望，Louisa受訪時撒嬌說：「佢嚟幫我上番單車嘛！有教練睇住我個情況，我自己都唔太擔心，只係左邊仲有啲痛，踩嗰時就吃力啲囉！（幾時先完成個旅程？）下月8日就完。」