出道兩年半的韓團BLACK PINK前晚在亞博舉行香港演唱會，日前被爆與男團EXO成員Kai甩拖的Jennie心情未受影響，不時甜笑派心，Solo時谷胸晒腿熱舞，之後又風騷咀隊友Lisa。
四女在兩小時的演出中，先後演繹《DDU-DU DDU-DU》及《BOOMBAYAH》等Hit歌，並頻頻晒廣東話，Jennie問粉絲：「你哋有冇掛住我？我哋都好掛住你哋！」及「你哋係最好嘅！」又以英語高呼：「We love you！」隊友亦問粉絲：「今晚好唔好睇？」我哋跳得好唔好？她們承諾：「我哋永遠一齊！我哋會返嚟(口架)！」四女攬作一團又與全場粉絲合照，完騷後即晚返韓。