追魂短訊難頂!岑日珈撩仔食白果

藝人岑日珈(Angie)推出新歌《Time to Go》,減肥成功的她大呻未吸引到追求者:「真係好慘!有次我開群組約班Dancers去主題樂園玩,唔知點解冇人覆我!我唔係諗住拍拖,只係想做朋友,原來識個男仔都好難!」並驚爆好像對異性興趣減低,但否認「轉軚」,又說:「有時見朋友分手好Down,驚自己將來都會咁。」

Angie自言不會亂來,想遇到好對象才拍拖:「我比較鍾意被愛嘅感覺,係好癡纏嘅女仔,拍拖嘅時候可能一日傳一百個訊息,真係未必個個頂得住。但我覺得你愛我都會咁樣做,唔需要逼。(如果對方好忙呢?)當然我會諒解,好似我拍戲嘅時候可能幾個鐘都睇唔到電話。」