鄧詠雪選美司儀學執生

藝人鄧詠雪除了跳得、唱得又游得外，原來也非常Talk得，早前她獲邀到馬來西亞為一個大型選美活動任主持，與當地的演員拍檔以全英文做騷，她直言相當考驗應變能力：「之前曾經主持婚宴及周年晚會，但做選美好唔同，學到好多執生技巧，有啲獎係臨時先知，份稿都係三個鐘前先有，好考記憶力同應變，好彩大會好滿意，已經預約我出年再任司儀，好開心！」活動後，她原約了日本朋友一同在當地度假，但對方護照過期，結果留下她一個人。