湯怡硬食張振朗口水尾

演員王浩信、張振朗、馮盈盈及湯怡等，昨日齊集將軍澳電視城為新劇《極道怪咖》拜神。劇中艷福無邊、女朋友多多的王浩信笑說：「感情線主要係同湯怡，同張振朗除咗兄弟情，都有段錯摸嘅HeHe情，我同男仔嘅螢幕初吻都畀咗佢。唔會回味，但出嚟嘅畫面都靚嘅，希望唔會收到投訴啦！錫男仔反而冇咁尷尬，同振朗好熟，兩兄弟平時一對筷子兩份用。」

對望立即笑場

湯怡透露角色與王浩信相識於床上，日前已拍攝咀戲：「嗰場戲浩信同振朗錫完，佢再錫我，即係我間接錫咗兩個男主角！」馮盈盈笑說：「你就好喇，可以錫兩大型男！」湯怡笑稱拍咀戲不尷尬，但與振朗一對望就忍不住笑，又斷言沒有「過電」，只屬兄妹關係。問到回復單身拍咀戲，是否沒有包袱？她說：「都係工作，冇諗咁多。」

馮盈盈難得認真

盈盈劇中鬧爆下屬王浩信，同時卻是斯文淑女，笑稱要請教湯怡：「『寶寶』（男友）都讚我斯文咗，佢之前成日投訴我，話網友讚我搞笑、幽默，但作為男友就唔幸福，因為同我講正經嘢都變搞笑，依家佢覺得我好認真答佢，終於覺得被重視。」

張振朗想重演HeHe咀，但浩信似乎不太情願！	湯怡（左）斯文有禮，馮盈盈要多多學習。	賴慰玲因咩事同張振朗互睥？

另外，對於參與拍攝的臨時演員劉何志收工後，前日早上被發現猝死街頭，監製林志華表示：「佢當日開工時間係1800到2330，喺酒樓入面扮茶客，唔使喺室外拍攝。已經聯絡咗臨時演員公司睇吓有咩幫手，仲未聯絡到佢屋企人。」