Rain招港男組團
韓國男歌手Rain前晚來港，出席名媛蔡一鳳舉辦的慈善晚宴暨龍鳳胎百日宴。除了落力跳唱外，他又捐出舞台服飾，籌得8萬元善款。
Rain甫登場便以普通話打招呼冧粉絲：「大家好，好高興見到你們，謝謝。」落力跳唱的他吸引大批賓客上前圍觀集郵，氣氛熱烈。提到新片將於下月上映，飾演單車手的他指拍攝時正值夏天，加上有大量野外拍攝的場口，過程非常辛苦，但坦言不特別渴求獎項，只希望觀眾欣賞他努力付出的成果。
對於早前自爆有意成立男團，他透露正在籌備：「希望有唔同國籍成員，都想有香港人，嚟緊就會進行遴選，希望多啲人參加。」續指將開拍新劇，亦有意在港開騷。至於問到家人近況，他一概避談。
蔡一鳳笑老公難服侍
主辦方蔡一鳳大爆與Rain早有淵源：「其實5年前澳門開幕就請咗佢嚟，今次再邀請佢算係呼應番上一次。（會唔會傾仔女經？）坐低食飯嘅時候都會請教佢。」講到一對龍鳳胎，她透露已改名：「囝囝叫Lorin，中文名盛樂林，囡囡叫Lov，中文名盛樂芙，係老爺搵人改嘅，有跟八字同族譜。」並大讚仔女乖巧，笑指老公盛品儒反而較難服侍。
同場還有久未公開露面的Terri Holladay，她偕現年25歲、在香港城市大學修讀MBA課程的兒子趙式正亮相。她透露開設了手袋品牌生意，將與兒子留港與家人共度新歲。