畢彼特趕會查理絲摸背親熱

現年55歲的荷里活男神畢彼特自從於2016年與影星老婆安祖蓮娜祖莉(Angelina Jolie)離婚後,感情生活一片空白,日前英國有報章傳他與43歲奧斯卡金像影后查理絲花朗蜜運中。

據知畢彼特(Brad Pitt)與查理絲花朗(Charlize Theron)由查理絲的前未婚夫影星辛潘(Sean Penn)介紹認識,直至聖誕節才開始拍拖。雖然二人在電影方面未有合作過,但去年以廣告代言人身份在美國合作拍名錶廣告,更有知情者說:「佢哋之前一齊出席演藝界嘅活動,期間佢哋仲有甜蜜親熱。」

查理絲本月12日出席電影《羅馬》(Roma)在西荷里活舉行的放映會,而畢佬則出席其監製的新片《If Beale Street Could Talk》放映會,完場後,畢佬趕去《羅》慶功派對會合女友,女星Blanca Blanco捕獲查理絲與畢佬,分別與二人「集郵」。

經常喺大宅幽會

知情者表示:「佢換過套衫之後就去到酒吧一角與查理絲會合,查理絲飲咗伏特加雞尾酒,畢彼特就只係飲礦泉水。佢哋雙手冇離開過對方,畢彼特不時撫摸查理絲嘅背部,仲對佢眨眼放電,二人睇落非常開心。」有指二人經常在畢佬位於加州Los Feliz的大宅內幽會,但查理絲暫時未見過畢佬的6名子女。戀情曝光後,網民激烈討論,不少人大讚二人外形合襯,更為他們起名為Charbrad(查畢)及Braderon(畢朗)。

另一方面,最近才與畢佬「破冰」的17歲柬埔寨養子麥杜斯(Maddox)被指大個仔想離開家庭搬出去住,在洛杉磯物色新居所。有指安祖蓮娜不想,但麥杜斯好堅持,據知安祖蓮娜想兒子今個春天中學畢業後到首爾讀大學,但有指目前麥杜斯仍未知自己是否想讀大學,早前安祖蓮娜帶兒子到首爾視察環境。