梁雪瑤撐亞視前景 增值接Job

《2019亞洲小姐競選》啟動儀式昨日在大埔亞視總台舉行,亞視行政總裁何麗全率2018年亞姐香港區冠軍梁雪瑤及季軍林孜沫出席。何麗全透露已授權深圳道一企業主辦亞姐,簽下5年合約,授權費每年1,500萬元,並宣布2019年2月至9月在全國31個省100個城市進行招募及海選,9月至12月會分階段比賽,挑選出來的佳麗將參加12月中舉行的大中華賽區總決賽。

梁雪瑤和林孜沫表示時間過得很快,亦成長不少,梁雪瑤說:「之後會喺演藝、唱歌方面增值自己,最近拍咗烹飪節目,都商議緊旅遊節目,之後又有台慶,我會上台表演魔術。」最近亞視再被傳陷財困又裁員,她表示不擔心前景:「希望新一年會更好,過去咗就唔好提,希望將來公司發展愈來愈好,我有亞姐呢個名銜係光榮,事業好大幫助。」

存款冇問題

何麗全直言這次亞姐授權費收入可觀,證明亞姐這個品牌仍受注目:「今年踏入第31年,簽咗幾年約,證明管理層好有信心!之前又有話我哋存款得好少,但呢啲係高度機密,總之冇呢個問題。」又指下周將舉行台慶及團年飯,邀請新舊員工及客戶出席:「唔係正式一個Show,但愈搞愈大,有啲表演,有展銷會又有大抽獎。(獎金幾多?)好豐富!嚟到嘅人都至少有一千蚊福袋。」對於裁員消息,他說:「嚟緊節目以唔同方式製作,會作出配合。(有傳你將離任!)太多傳言,唔使理,仲有新節目製作緊,未必係電視節目,轉咗做短視頻。」