莊思敏被催婚覺得煩！
藝人郭羨妮和莊思敏昨日到apm出席「開運潮豬迎新春」記者會，同場有新鴻基地產代理有限公司執行董事馮秀炎小姐，以及新鴻基地產代理有限公司租務部副總經理（推廣）李少芬小姐。
農曆新年將至，郭羨妮表示老公會從北京回港，她亦會炮製新年大餐：「我會煮啲好味嘅嘢，大魚大肉，例如花膠扒、鮑魚。（全部自己煮？）係呀，上網睇片學咋。（老公讚好食？）係呀。」莊思敏就笑言不懂下廚，新年會三姊妹回馬來西亞過年，問到親戚朋友可會催婚？她笑言：「梗係會啦，催到唔想再講。（有信心（豆）埋今年利是，出年派利是？）信心年年都有，但年年都係咁，隨緣。（想一年內結婚兼生仔？）梗係啦，一次過做晒。」