黃翠如習慣做蕭太造人拖住先
藝人黃翠如與張兆輝昨日在東港城出席「韓式鈕藝御花園」揭幕禮，人妻翠如笑言已習慣被稱呼為「蕭太」，但不會為老公蕭正楠（Edwin）準備「紅底」過年，又指新一年繼續劇接劇，未有造人計劃。
無綫花旦黃翠如、藝人張兆輝與新鴻基地產代理有限公司租務部總經理鍾秀蓮等，昨日在東港城為「韓式鈕藝御花園」舉行揭幕禮。首度以「蕭太」身份出席活動的翠如表示現在外出時，大家已記不起她的名字，人人也叫她蕭太，好像多了鄰居：「Edwin一聽到人嗌我蕭太就最開心。」
否認靠父幹買樓
問到準備了多少位數字派利是？她笑說：「唔緊要，都係攞佢（Edwin）啲錢。（新年幫老公買紅底褲賀年？）冇咁嘅概念，依家仲有人買嘅咩？（麥玲玲話你有機會豬年生BB。）多謝佢嘅祝福，但係今年要拍劇，自己亦冇呢個計劃。」
翠如又指早前在社交網的發文，令人誤會她向老公求婚：「係佢先向我求婚，第二次已經應承咗，畀人求婚感覺幾High，所以每去一個地方都叫佢求婚，自己想佢感受吓被人求婚嘅感覺，所以我就同佢求婚。」另外，翠如否認爸爸擲500多萬為她開公司及購入上環一個商業單位，強調花私己錢買單位，作投資用途。
張兆輝憶林嶺東哽咽
至於張兆輝近期忙拍無綫劇集《黃金有罪》，他透露會灌輸子女農曆新年的傳統習俗知識：「仔女細個嘅時候，會同埋嫲嫲一齊整蘿蔔糕，亦會教佢哋點樣同父母拜年(豆)利是，希望秉承傳統。」又稱將到外地工作，未能出席導演好友林嶺東的追思會，他落淚哽咽說：「好遺憾，無緣送佢最後一程，但我會記住佢。當年同佢拍《冲天火》，佢好似家長咁，係第一個導演教我點樣演戲，嗰段時間學到好多嘢。好多人覺得佢好嚴肅、好惡，其實私底下佢係一個好健談、好幽默、好風趣嘅人，只係工作嘅時候超級認真，我會記住佢教過嘅嘢。」