陳家樂聞「香」色變

藝人陳家樂昨日出席「領展商戶超級伙計 全民畀讚」頒獎禮並擔任頒獎嘉賓，人氣飆升的他穿圍裙、戴眼鏡，以暖男造型亮相，吸引多位女粉絲埋身集郵。提到早前被爆與陳瀅到日本旅行倒數迎新年，他表示與同事同行：「12月內一次過拍咗三個製作，好瘋狂，冇放過假，所以約同事去日本玩。（陳瀅都有去？）機場淨係見到我一個。（話你哋玩足4日3夜？）我睇唔到個報道，所以唔回應。」續指雙方是好朋友，並非拍拖，問到將來會否發展？他說：「唔係好識處理朋友以外嘅感情，做朋友先。」再問會否變兄妹情？他即笑說好驚，不懂回應。至於問到舊愛余香凝與任職保險的新歡同遊嘉年華，家樂即收起笑容，表示不知情，認為對方開心就好。