李泳豪飄移升呢

藝人李泳豪的飄移技術精湛,甚至開班授徒,為精益求精,近年他不時到日本進修飄移技巧:「我一年會去日本進修三次,始終日本係飄移嘅發源地,技術好犀利,可以話係佢哋嘅國粹。」

泳豪透露近年加入了車隊R.Progress,旗下有兩位世界級日本車手,每次赴日都會跟兩人進修兼參加比賽來增進自己:「以前一個彎位要做三、四個動作,依家一個彎位要做八至十個動作,而且每年日本都會新增一個揸法同比賽模式。教練以往會對我嘅技巧不滿,但今次佢將我升去高級組,佢哋要求好高,可以升到組好難得!」