陳智燊冇執輸抱仔四圍𢭃利是

藝人胡杏兒與陳智燊昨日出席新年活動,近日在橫店拍戲的杏兒表示已向劇組請假返港過年:「新年諗住自己整啲蘿蔔糕,同埋教咗囝囝請請,到時希望可以𢭃多啲利是。」而去年成為新手爸爸的陳智燊笑說:「阿仔仲細唔識請請,不過都買咗啲紅色衫畀佢着,到時抱住佢周圍去𢭃利是,冇執輸!」

玩地下情扮陌生

另外,陳智燊接受電台訪問,大談當年與太太宋熙年發展地下情七年,以免影響彼此事業:「唔可以拖手、唔可以傾偈,要扮普通朋友,唔算辛苦,只係有好多無聊嘅『戲』要演,好似喺公司開會或者跟同事食飯,會故意坐開啲,扮陌生打招呼。」