魏韵芝賞紅葉浸溫泉

藝人魏韵芝（Joyce）早前到日本大阪旅行六日，更專程到京都租和服，並到永觀堂及東山區影靚相，她說：「特登揀咗套白底有紅色花紋嘅和服襯番啲紅葉！店員會一層層幫你着，首先有件短袖嘅薄身裙，再有一件長身嘅衫，然後腰間包啲毛巾再用繩包住，之後再着多一件有花紋嘅衫，跟住加腰墊再用有花紋嘅腰帶，要綁得靚都好考工夫。第二日我自己幫自己着，都雞手鴨腳。」
魏韵芝認為浸溫泉有護膚功效。
魏韵芝認為浸溫泉有護膚功效。

此外，Joyce特意去浸溫泉：「喺紅葉下浸露天溫泉都係第一次，幾浪漫！而且浸完真係好瞓啲，皮膚又靚啲！」

魏韵芝着上和服扮o架妹。
  • 魏韵芝着上和服扮o架妹。