歐詠怡屢受情傷心噏！
「宅男女神」歐詠怡（WingWing）模特兒出身，擁有煞食外表，今年轉型做歌手，以甜美歌聲俘虜Fans，早前她推出以暗戀做主題的廣東歌《愛神箭》，最近一轉曲風錄製國語新歌《逆光》，是一首悲慘失戀歌，歌詞「從前的兩個人，只剩一個身影在等」、「當初幸福畫面 再尋找也不見」，勾起WingWing不少情傷回憶！
外形標致的她表示拍拖時會變成小女人，對另一半百般遷就，可惜往往被傷害收場，她說：「拍得拖就唔會咁易講分手，盡量都會包容另一半，畀多幾次機會對方。（錄音時有冇唱到喊？）之前聽咗首歌好多次，都覺得好心噏，當然錄音嗰陣唔可以喊，惟有盡量將心入面嘅感情抒發出嚟。」
