陳曉東周身債：親戚要100張飛
歌手陳曉東昨日到電台宣傳3月紅館演唱會，表示只演一場，絕不加場，故欠下很多親戚朋友的飛債：「預售爆咗，尋日先有個親戚同我講話想要100張飛，惟有叫主辦畀啲飛。」問到香港站跟其他站可有不同？他表示快歌會重新編排，歌衫亦不一樣，農曆新年會留港排舞。
問到可會回內地陪老婆及兩女過年？他笑指：「佢哋好似話嚟過年。（佢哋會成日陪你做嘢？）唔係，新年啲利是勁先返嚟，多人吖嘛，親戚又錫佢哋，講笑啫，佢哋陪我過年。」問到兩女到時會否上台表演？他說：「其實澳門同台灣站佢哋都有上，可能到時拉佢哋上嚟先。」