沈卓盈「以身相許」：只係Timing問題
現年34歲的藝人沈卓盈日前宣布離開工作16年的無綫，她坦言這決定考慮了足足1年，幸好這段時間獲家族經營內衣生意的男友Calvin給予意見和支持，問到是否認定對方為終身伴侶？她甜絲絲表示的確朝結婚方向進發！
沈卓盈（沈大師）於2002年參加第4屆《TVB週刊》Cover Girl選舉奪冠而加入無綫，轉眼16年，日前她突然宣布離開娘家，對此她受訪時說：「有好多回憶同經歷，呢段時間試過主持同拍劇，但去到樽頸位，唔識進步。」她自言離巢決定足足花了1年時間考慮：「呢一年得到好多朋友支持，男朋友亦好支持我。」
獨立唔使管接送
講到跟男友Calvin拍拖3年多，如今工作又有新轉變，下一步是否拉埋天窗？她坦言：「向呢個方向行，只係Timing問題。」並大讚男友無條件支持她，令她很有安全感，又謂每個階段取向不同，現時拍拖只要求對方簡單陪伴：「管接管送嗰啲我唔需要，自己都好獨立。」沈大師亦指工作上都需要獨立，故離巢後有公司接觸，她都拒絕簽約。
問到離開無綫，是否因欠缺當女主角的機會？她否認說：「好感激TVB栽培，令我有更多磨練演技嘅機會。」不過入行多年，她自覺有件事愧對家人：「2016年爸爸患病，自己拍緊兩套劇，爸爸決定受浸，我諗住可以抽食Lunch嘅時間見證呢個咁有意義嘅時刻，但最終因為拍攝去唔到，我覺得好遺憾。」
一半底薪畀家用
她又重提剛入行，爸爸給她1,000元壓袋，為了回饋家人的愛，縱使當時只得數千元底薪，她亦會給父母一半當家用：「我係好樂觀嘅人，唔覺辛酸，自己由入行到依家都咁慳。（試過經濟拮据？）我好量入為出，試過同朋友借衫、借化妝品度過入行頭幾年。」
場地：和牛燒肉純