黃德斌被炒車最憎人醉駕
藝人黃德斌昨日到九龍塘有不少幼稚園保母車停泊的地方，向司機宣傳交通安全，他表示曾撞車死過翻生：「有個醉酒司機揸車撞向架貨車再撞埋嚟，我架車撞到散晒，我都算大命！（所以好憎人醉駕？）都係，咁犯法同危害他人又危害自己就無謂，所以飲酒就唔好揸車。」
今年是他婚後首個農曆新年，黃德斌說：「係呀，今年要派利是，上年仲收緊，到時記得搵我喇！」問到會否同老婆去行花市？他說：「會相約大班朋友一齊去，大時大節要開心啲，住美國嘅爸爸會返嚟香港，不過我唔會親自下廚喇，唔想佢返嚟都要食我煮啲嘢。」