Rap了逾20年的農夫成員陸永，對於康華以47歲之齡轉做Rapper，他說：「佢都同我傾過Rap嘅話題，話聽過我嗰首《港女收港男皮》。（佢起步算唔算遲？）冇年紀限制。」不過他覺得男、女Rapper有很大分別，皆因男士要Rap得有道理，女Rapper則只需要靚：「咁康華永遠不老又咁索，我仲以為佢得20幾歲，佢已經成功咗一半。」問到可想與對方合作？他笑言：「我叫佢康師傅，我係後輩，邊夠膽咁問前輩呀？」至於歌手陳奐仁則送康華三大貼士：「第一要留意拍子，唔使一定準，但唔好唔太準；第二要有自己風格，先參考其他人嘅作品，從中偷師再搵自己嘅方法Rap；第三要注意內容，新人可以寫自己，因為係最真實同誠懇。」