藝人利嘉兒昨日任新城節目嘉賓，她表示女兒已3個半月大，已戒夜奶一覺瞓到天光，湊女後她承認工作減少很多：「BB每日都好多變化，每日都幫佢影相，出世到依家影咗成萬張相，老公都話我黐線。」問到可會追多個？她說︰「以我年紀若果再有，要感謝上天畀我，因為我覺得將來父母唔喺度，有弟妹做伴會好好多，所以喺人力物力許可下，就算自己辛苦生多個都值得嘅。」
