Fiona獲家燕教路 咪要求太高
藝人薛家燕與薛凱琪（Fiona）昨日在西貢拍攝無綫賀年節目，Fiona獲贈言今年桃花旺，她認為有助觀眾緣，愛情方面則希望有姻緣出現，薛家燕提醒她搵男人不要要求太高，有責任心就足夠。
昨日薛家燕、Fiona、傅嘉莉、黃致豪與堪輿學家李丞責等在西貢拍攝無綫賀年節目《新春開運王》，薛家燕表示聽聞今年旺木，笑稱與「妹妹」Fiona也會很旺，又指師傅贈言今年會更旺及驛馬星動，她透露除到內地、星馬、美加巡迴演出，還會到非洲做義工。
氹粉絲功德無量
Fiona則獲贈言桃花旺，她認為做藝人要有桃花運，代表有觀眾緣，愛情方面她不諱言想有姻緣，薛家燕即笑問她還未遇到？Fiona笑說：「我即刻唔識點答，慢慢，順其自然。」薛家燕提點她不要太高要求，搵男人最重要是對方有責任心，Fiona說：「你同我爹哋講嘢一樣，同埋最緊要專一。」Fiona去年接拍不少內地真人騷及綜藝節目，她覺得工作能帶給別人快樂是一種功德，今年希望能夠同時推出粵語及國語EP，滿足樂迷，薛家燕笑說：「你講得好啱，所以我都係功德無量。」
望明年抱孫
去年娶新抱的薛家燕被問到可希望抱孫？她笑說：「冇咁快，佢哋有自己嘅計劃，呢啲嘢唔催得，我諗明年啦！」可希望女兒石祐珊快點出嫁？她笑說：「師傅話唔使幫佢買桃花，減少佢嘅工作就得，即係減少我嘅工作。但係王梓軒今年好多工作喎！我意思指珊珊係佢經理人吖嘛，哈哈！」