洪永城被女友Chur奉陪到底

楊秀惠（右）騷美腿搶蔡思貝鏡。

洪永城（Tony）、楊秀惠、蔡思貝及譚凱琪等昨日出席無綫劇集《大帥哥》宣傳，期間大玩機動遊戲及攤位遊戲。Tony雖然忙於趕拍另一套劇集《黃金有罪》，面對頻密通告，熱戀中的他仍一臉風騷，更揶揄拍檔蕭正楠比他更辛苦：「見佢日夜都冇厘精神，唔知係畀邊個女人Chur，監製定係屋企嗰個。（咁黃翠如呢排容光煥發？）又好似係喎！」

對於被取笑於除夕帶同女友梁諾妍融入朋友堆中開派對，期間除親密攬攬，還情不自禁咀嘴，Tony笑說：「有咀咩？邊個主動先，不過都唔介懷啦！係開心幸福事。（咁你有冇畀人Chur？）佢都係Chur我跑步，叫我陪佢跑馬拉松，但我唔做選手，都係旁邊幫佢影相啫！」

洪永城每次提到女友，都分外風騷。	洪永城、梁諾妍拍拖點止攬攬，錫錫都有呀！	放大圖片

• 掟中公仔喇！蔡思貝（右）及譚凱琪都攬到實。

楊秀惠鬧大帥哥

於劇中經常喊的秀惠，笑言望日後有紙巾品牌邀她拍廣告，提到拍攝時因前輩張衞健突然爆肚，令她按捺不住罵對方，她說：「場戲我一輪嘴鬧佢，事前排咗好多次，點知正式時大帥哥爆咗一句肚，我真係好嬲，驚要再嚟多次，好彩最後用咗嗰個Take，令到場戲嘅火花再勁啲！」至於完成《機場特警》拍攝的思貝，表示將拍攝警察召募劇集單元，預計農曆新年也沒有假期。