謝安琪咀女求新鮮感

歌手謝安琪（Kay）在其電影概念音樂企劃中再有突破演出，在新歌《沐春風》MV中與舞台劇演員韋羅莎（Rosa）激吻！Kay笑說：「我哋認識嘅，唔緊張，好早就知有呢個親吻鏡頭，有晒心理準備，希望為大家帶來新鮮感。」Rosa表示感覺夢幻，坦言這場對手戲不易做，因為似足舞台劇，導演一Take過拍攝：「好緊張，因為我嘅出現設定喺最後，如果有咩差池要從頭嚟過，個心會唔舒服，所以要好精準，相對壓力較大，甚至會驚！」Kay還邀請了鄭伊健客串演出，大讚他鏡頭內外一樣親切。