相愛11年張頴康話要再娶過

藝人張頴康於2012年與太太麥雅緻（Angie）拉埋天窗，身為廿四孝老公的他一直記着與老婆之間的每個重要日子。前晚是兩人的拍拖紀念日，他在社交網分享當年拍拖時所拍下的合照，並發文表示十一年過去，就算重頭再來仍然會娶Angie做太太：「2008年1月4日，我哋第一次通電話，睇戲，約會！假設12年前，我哋由小學一年級開始相識，拍拖直到今日，我哋就中學畢業喇！如果畀我再揀多次，我一樣會決定喺四年後大學畢業即刻娶你做我老婆！我愛你！」認真骨痹！