袁偉豪添食爭做「粗重嘢 」搶智雯戲份

藝人黃智雯去年憑劇集成為星馬雙料視后,前晚與袁偉豪、監製潘嘉德等台前幕後出席慶功宴,大晒六個相關獎座!眾人都希望開拍續篇,袁偉豪自認有人格分裂,建議下次由他挑戰演有幾個人格的角色!

去年播出的電視劇《三個女人一個「因」》大受歡迎,奪得新加坡及馬來西亞最喜愛劇集,女主角黃智雯(Mandy)成為兩地雙料視后,男主角袁偉豪(Ben)則憑另一劇集《棟仁的時光》膺雙料視帝。前晚,《三》劇一眾台前幕後,包括陳智燊、黃淑儀、林秀怡及李璧琦等到尖沙咀出席慶功宴,與六個獎座合照分享喜悅,無綫副總經理(節目及製作)杜之克亦有現身支持。

恨出埠開工

Ben及Mandy表示劇集反應好是去年最大收穫之一,明言希望拍續篇,Ben說:「如果變咗合拍劇多啲Budget就更好啦,可以飛外國開工仲開心!下次人格分裂角色等我嚟,都幾有Gimmick,唔使次次Mandy做晒『粗重嘢』,我自己真人都有啲人格分裂o架!」問到Mandy今年目標是否攞埋香港視后?她說:「新一年咩都洗牌重來,只可以用心做好眼前工作。」

Ben表示想用個人影響力多做公益活動,關心社會需要幫助的人,去年推出相集的他透露可能搞相展。提到元旦被拍到與女友張寶兒及家人吃飯,他說:「年頭同家人見吓,但有食客偷拍報料,都唔係咁鍾意。(好耐冇見寶兒?)過去兩星期係忙嘅,聖誕有慶祝囉!(新一年花多啲時間拍拖?)唔使,拍拖只係一部分,應該做多啲嘢完成人生目標。」

陳智燊等湊「好」字

另外,與TVB已完約的陳智燊榮幸獲邀出席飯局,有機會亦想再拍無綫劇,並表示新一年會努力搞網上平台,與老婆宋熙年分享生活點滴,間中亦會出賣囝囝的得意片,問到會否生多個?他說:「未咁快住,等太太做自己鍾意做嘅嘢先,我都想湊個『好』字,但遲啲先。」