迷你劇《心冤》演員惠英紅、周國賢、黃心美等前晚在旺角出席首映，惠英紅近日忙於為舞台劇《玻璃動物園》演出，雖然有休場，但亦忙於接受訪問。她透露聲線出現了問題，開騷前要去針灸治療，她說：「因為好多對白，兩個半鐘嘅戲，自己都講咗兩個鐘頭嘢，裏面又有好多嗌交戲，可能我唔識得收聲，亦唔敢飲水，兩個鐘冇得去廁所喎，所以依家把聲講嘢都低咗一度，買咗啲消炎嘅噴霧，不過自己感覺只係聲帶肌肉攰啫！」
