陳鈺芸學相撲畀對手「鵰」難

近年主力在美國發展的武打女星陳鈺芸(JuJu),三年前開始跟日本著名相撲手山本山龍太練習相撲,她說:「我係通過朋友介紹認識,後來了解到相撲選手嘅文化同艱辛,身為武術家都想接觸唔同武術。」她表示以往曾學柔道,懂得摔人技巧,更被讚有潛質:「除咗同女仔對練,我仲有同男選手練習,但山本山龍太重266公斤,我好難同佢比賽,但有教我幾招!佢畀我捉住腰去試吓摔佢,但攬唔到佢三分一嘅腰!不過上咗幾堂後,佢哋話想主力去訓練我,代表相撲館去出賽,可惜時間夾唔到,因為我拍戲要周圍飛。」JuJu坦言玩相撲難免有身體接觸,與男選手練習尤其尷尬:「好似山本山龍太同其他身形龐大嘅男選手,條巾根本遮唔晒佢嘅重要部位!」