蔡菀庭選華姐阿爸嬲到Cut線
華姐蔡菀庭（Tiffany）參選《2018國際中華小姐競選》後，被無綫睇中簽約成為旗下藝人。在香港長大、17歲到多倫多讀書的她，與同學鬥氣下參加多倫多華姐並奪得冠軍，她笑說：「同學問我點解唔去選美，係咪唔敢？我好硬頸，於是去咗交報名表。」
她「先斬後奏」報名後才告知家人，令爸爸嬲到掛斷電話：「慢慢再同Daddy傾，最後佢話唔想個女人生有遺憾，雖然唔鍾意，但都會支持，我好感動，喊到黐咗線。」隨後爸爸見到女兒努力訓練參選，也慢慢接受。Tiffany自言性格害羞，但喜歡挑戰自己，最近有機會參與劇集《殺手》及《愛．回家之開心速遞》拍攝，令她愛上拍劇：「第一次拍劇都好緊張，要多謝東閔照顧我。」
