劉丹避談楊冪爆孫女掛住玩

劉丹笑笑口受訪，但不肯透露兒子近況。

內地女星楊冪與劉愷威結婚以來屢傳婚變，上月冬至二人透過經理人公司發聲明宣布離婚，承諾共同撫養4歲女兒小糯米，而女兒則繼續在香港生活和讀書。早前劉丹在活動上表示孫女生活正常，一切照舊。而楊冪婚變後首次在成都出席公開活動時說：「好演員的路還長，我會慢慢好好地走下去。」至於早已返港的劉愷威至今仍未蒲頭。

• 父母離婚後，小糯米繼續在港生活。

「唔知佢有咩打算」

昨日下午二時許，劉愷威父親劉丹獨自駕車離開半山寓所前往灣仔，戴帽及眼鏡的他將座駕泊在街頭，然後步往附近一幢商廈。面對記者採訪，他友善說：「新年快樂！」問到孫女小糯米有否掛住媽咪？他說：「佢乜嘢都唔掛住，淨係掛住玩。（劉愷威依家喺邊？開工未？）我唔知喎。（囝囝依家心情點？有咩打算？）我唔知呀，唔知佢有咩打算。」再追問孫女有否返學？他笑笑口未有回應，只透露自己出外打波，其後隨一名中年女子進入商廈搭𨋢上樓。