吳若希怕捱鬧暫棄生B

歌手吳若希（Jinny）昨日現身電台受訪時自爆不適、不停嘔，問到是否有好消息公布？她否認：「係食錯嘢啫！再努力（生B）畀公司鬧死！」講到傳出她為保「星夢一姐」地位，扭計「威脅」老闆何哲圖約滿跳槽，Jinny大笑澄清指自己額頭鑿住「星夢」，跳槽機會不大，不過續約就要再諗︰「可能人哋唔要我呢！成日覺得我個名係同何哲圖黐埋咗。（幾時完約？）商業秘密。」
Jinny明言跳槽機會不大。
Jinny明言跳槽機會不大。

她續指如果想跳槽冇嘢可以阻止，更自嘲是公司的「老屎忽」，已去到「公私不分」地步：「我連結婚都喺公司簽字，我諗我真係離開唔到。」談及連詩雅加入，她認為對方「好懵又搞笑」沒有威脅。不過，她計劃若兩年內完約會「開工」生B，之後再諗「復簽」問題，又為力證現時地位大派定心丸，預告今年工作量排山倒海，寧捨棄生B不停接Job。

吳若希笑言連詩雅又懵又搞笑，期待合作。
  • 吳若希笑言連詩雅又懵又搞笑，期待合作。