藝人龔嘉欣（Katy）與黃智賢（Ben）入住村屋多年，兩人同樣讚居住環境感覺很好，多年來與鄰居亦守望相助。Katy受訪時表示搬入現居已一段日子，與左鄰右里打好關係：「啲隔籬鄰舍好多時都會將佢哋自己種嘅生果、菜送畀我食，煲開湯水又會預埋我飲！有時我冇揸車，仲會車埋我添，所以我都好鍾意住呢度，多年嚟都住得好舒服同開心，冇咩問題。」

至於向來人緣佳的Ben亦表示，與村民一直相處愉快：「我由入行到依家都係住村屋，去到邊都咁受村民歡迎，係好開心，我可以話係離唔開村屋！加上我又要養狗，所以呢個係好好嘅選擇。」