陳靜不懂愛自認衰女友

陳靜貴為宅男女神，原來唔識拍拖。

有樣有身材的女星陳靜（DaDa）為東網巨星節目「海馬牌床褥特約」《閨蜜睡房》擔任嘉賓，與主持李惠儀（Kiwi）分享她的感情世界，聲稱目前單身的她覺得自己唔識得拍拖：「喺以前拍拖嘅經驗裏面，人哋為我付出多啲，但感情應該互相付出，唔可以單向，所以我咪唔成功囉！」

男友僅放第三位

她坦言以前成日覺得工作、家人最緊要，男朋友永遠只會放在第三位，她自嘲：「我係一個幾衰嘅女朋友，其中一個男朋友，我曾經對佢好差，佢一路都喺度等待我嘅角色（女友），唔可以淨係對方為你付出，因為咁樣有一方會好攰，我都好後悔。」

姨甥變「私生女」

暫時DaDa未想到結婚生仔問題，不過講到小朋友，她的姨甥女長得好得意，還跟她很似樣，她笑說：「我要澄清呀！真係好多人話佢係我私生女，我自己都覺得似，其實佢好似我家姐，只係我冇公開過我家姐個樣啫！」想知道更多DaDa的秘密及當日任性宣布退出的事，千萬別錯過逢星期五、六、日更新的《閨蜜睡房》。

陳靜指有個姨甥女，唔係私生女。

DaDa與主持Kiwi（右）分享小秘密。