單文柔佗B升Cup展鵬認偷食！
夫妻檔陳展鵬和單文柔聯同三對情侶馬國明跟黃心穎、鄭俊弘孖何雁詩、謝東閔及朱智賢齊齊甜蜜倒數。懷孕5個月兼升Cup不少的「陳太」單文柔穿3吋高跟鞋上陣，要老公(目及)到實！馬國明則有心穎陪倒數最開心：「年年都係咁就好！」
準父母陳展鵬和單文柔等前晚出席「MCP新都城中心除夕狂歡夜」派對，兩人示範幫BB公仔換片，顯得雞手鴨腳。提到單文柔日前在ig上載BB裙相，她解釋只是BB車的圍邊，是男是女稍後公布。問到佗B後情緒可有波動？展鵬指不覺得太太情緒有變，更愈來愈精神，有時會為太太按摩紓緩不適。
心穎幫愛郎抹汗
單文柔又表示近日愛吃酸辣食物，豈非生個「小辣椒」？展鵬笑言：「咁我陪佢唔食辣，我想食咪去偷食囉。」單文柔稱現在差不多有5個月身孕，體重重了2至3公斤。問到上圍有沒有升Cup？她說：「呢個好開心，係做大肚婆最大好處同最自豪嘅事。」
馬國明和心穎第二年情侶檔出席除夕倒數活動，兩人分別上台獻唱，未知馬國明是否太緊張，竟唱到標汗，心穎則細心幫他抹汗，難怪馬國明說：「開心情侶檔，年年都係咁就好。」問到會否像蕭正楠和黃翠如秘婚？他說：「我覺得佢好型喎，當晚（台慶頒獎禮）佢贏晒，我好欣賞佢，你問我，我只記得當晚佢哋結咗婚，其他邊個攞獎都唔記得嘞，我都好似冇攞獎。」不過心穎說：「人哋做過嘅嘢我唔會做囉，要再勁啲。」
朱智賢背脊「失守」
同場的朱智賢在台上唱歌時，裙子背部位置滑落，露出雙面膠紙，落台時獲司儀和謝東閔幫她按着裙子背後。事後問謝東閔可有擔心朱智賢走光？他說：「我都諗住上台幫佢拉住，但見佢未好嚴重，就等佢唱埋首歌先。」朱智賢即說：「你應該即刻除件褸我褸住嘛，係咪見我未去到『臨界點』？」