黃宗澤擺隻腳上枱做大爺

藝人苗僑偉、吳啟華、黃宗澤（Bosco）、吳卓羲和馬國明，日前為邵氏網劇《飛虎之雷霆極戰》開工。吳啟華今次客串演警務處處長，笑言全部文戲，相當舒服。

相反早前受腳傷的Bosco，包着石膏開工，出入一拐一拐，表現辛苦。拍大合照時，前輩苗僑偉和啟華都要企埋他身邊遷就，搞到Bosco尷尷尬尬，還解釋自己抬隻腳上枱，只是想令血液倒流避免腫脹，並非扮大爺：「1月中拆石膏，希望可以快啲行番。」

Bosco行動不便，動作戲由替身頂上，再補個人近鏡，卻令他上圍意外「爆肌」：「之前瘦都有38吋，依家成日拍上身動作，加上平日有用膝頭撐住做掌上壓，依家個胸有40吋！着恤衫都爆鈕！」旁邊的苗僑偉對Bosco照顧有加，經常讓他食不停口。

至於對飲食甚有要求的啟華，則對哥哥吳啟明餐廳的食物讚不絕口：「佢係整得好好嘅，我哋屋企嘅家庭餸都係哥哥整，遲啲都會拉隊去開餐！」愛吃的苗僑偉聞言大感興趣。