陳嘉茵一見鍾情向黃妍表白
樂壇新人陳嘉茵與黃妍昨日出席工展會活動，嘉茵笑言是對方粉絲：「有次聽完佢唱歌後，就偷偷地行埋去同佢講『我好鍾意你，想同你做朋友』。」黃妍笑言被嚇親。二人又表示想合作，由黃妍創作，嘉茵負責排舞，問黃妍是否不懂跳舞？她笑言：「真係唔識跳舞，我係手腳唔協調嘅人。」
而嘉茵叫黃妍寫歌給她：「寫首姊妹嘅歌畀我。（你哋想唱姊妹嘅歌？）覺得好難喺新人裏面搵到個咁啱傾、一見鍾情嘅人。」黃妍則笑言首次被女生「一見鍾情」：「冇諗過同行會有人咁坦白、咁主動，我鍾意啲坦白嘅人。」二人透露正籌備新歌，嘉茵笑言會以成熟形象示人，問到可會性感？她笑言：「考慮吓啦，可能係骨子裏性感呢。」