「魔粉」蕭潤邦扮捧利物浦甩身

蕭潤邦與江若琳入場睇英超，大讚氣氛一流。

昨日他接受長途電話訪問時大讚球賽精彩：「Elanne好鍾意利物浦領隊高普，就係怕佢啲『不死燈神』威力太勁，所以喺場外叫佢大嗌10聲阿仙奴一定贏，結果利物浦贏5比1，所以阿仙奴係畀Elanne『燈死』。」

講真相死梗

他表示知道英國的利物浦「死忠」比較激進，為保人身安全，不得不「變節」！入場前他特別買了代表利物浦的頸巾，自爆搭火車返酒店時遇上典型醉酒球迷：「佢知我喺香港嚟，就話好歡迎我咁遠都嚟支持利物浦，不過我唔敢講我搭緊車去曼徹斯特捧曼聯，否則死梗！」該球迷追問他去哪兒？他被迫再講大話，指利物浦市的酒店爆滿，惟有入住曼市的酒店：「佢哋竟然信，仲話我係佢哋兄弟，玩埋擊掌。」

蕭潤邦是曼聯百分百「死忠」。

江若琳入場前購買代表利物浦的頸巾。