倪晨曦嚇傻喊住Say Yes！
網上人氣高企的「宅男女神」倪晨曦今年嫁人了！她自揭去年男友在巴黎浪漫求婚的經過，被嚇到傻忍唔住爆喊，相信是上世積下來的福氣。
模特兒出身的倪晨曦（Elva）在除夕宣布婚訊，於社交網自爆去年已與圈外男友訂婚，並上載冧到暈的甜蜜求婚過程片段。當時她在巴黎時裝周工作，完工準備走人之際，髮型師訛稱遺失銀包，她即趕回拍攝現場，驚見應該身在香港的男友V先生在橋上出現，她即完全嚇傻：「他說了好多好多但我都不記得了，只是一個勁的哭，因為我好感動！沒有想過他會選擇在我覺得最浪漫的城市向我求婚！」
「上輩子做好事」
穿上西裝的男友手執大束紅玫瑰及戒指，即場下跪求婚，並細心準備好腳架及相機記錄這難忘時刻，Elva見狀喜極而泣，場面感人。她冧爆留言：「上輩子一定是做了甚麼好事，這輩子有這樣的疼愛。」又稱本想在網誌寫下一些感受，翻看很多同事照片時，看到求婚片段後再次被感動，決定跟大家分享這件人生喜事：「佢突然喺巴黎出現，真係令我覺得好感動、震驚，我完全控制唔到情緒。」並指今年舉行婚禮，但暫未有詳情。
鍾浠文又愛又恨
Elva的模特兒好姊妹朱韻韻坦言早已知道：「好戥佢哋開心，見到好朋友可以同佢最愛嘅人一齊，搵到佢嘅幸福，我睇佢哋求婚片時，真係好感動，唔止喊過一次。（幾時到你？）依家單身，感情事冇得強求，身邊朋友開心我都好開心。」另一好友鍾浠文笑言對Elva的求婚過程又愛又恨：「我第一個反應當然係開心同感動，睇條片即喊，但又有啲嬲，點解我哋冇得喺現場見證？不過睇到V先生咁用心求婚，又對Elva咁好，原諒佢！」