郭羨妮撒嬌施喊功老公唔Buy！
藝人郭羨妮、胡杏兒、林德信及龔慈恩等前晚到銅鑼灣出席梅艷芳紀念電影《朝花夕拾．芳華絕代》首映禮。當晚是梅艷芳離世15周年，香港婦聯向她追頒「傑出女性獎」，由梅媽代領。
身為女主角的郭羨妮盛裝而至，她笑言由於太遲提出要求，故未能安排門票給老公入場睇戲，只能日後買飛捧場。戲中扮演梅艷芳歌迷的她演得投入，喊到聲嘶力竭，又笑言老公是鐵漢，但沒有柔情：「畀佢搞到我冇晒溫柔，我啲喊功冇用，試過我同囡囡扮喊話冇錢食飯，佢唔上當，當然我相信真喊嘅話，佢會安慰我嘅。」
林德信自言角色由真人真事改編：「佢好細個就冇咗父母，係梅艷芳基金送佢去外國修讀音樂，佢依家係好出名嘅結他手，同我同年出世。可能背景有啲相似，對我演出有幫助。」